؟.؟.؟.؟.؟.؟.؟.؟.مدمـــــي الــــــصــــــيـــــــد؟.؟.؟.؟.؟.؟.؟.؟.؟.؟.؟.

زائر

بسم الله الرحمن الرحيم

احبابي صارة معي قصه مره مضحكه ومبكي

في عام 1426 هـ وانا ادرس في بتوك كان يوم اثنين كنت انا واخي ساكنين عزوبيا صحيت صباح الاثنين وصليت الفجر وكان عندي اختبار جدا صعب تقنيه وقافله معي المهم نزلت اشغل السياره لكي تسخن وامام شقتنا بوفيه متعود افطر فيها قبل الذهاب للمعهد وانا جالس افطر بنات يعبرون الطريق لذهاب للمدرسه.

وبنتين اخوات يعبرون الطريق واذا بسياره تدعسهم وترميهم على الطريق وهرب الرجل واتيت انا واناظر البنات وكانو شياب كبار في السن يقلون غطو العورات وغطيتهم

واتصلو على الهلال الحمر فئنا خذتني النخوه واخذت البنات وشلتهم بسيارتي وذهبت بهم الي المستشفى خالد المهم دخلتهم ولا بعسكري اتا واخذ بطاقتي قال اركب معنا قلت اقول انا مدعستهم وعندي اختبارابي امشي عاد العسكري الله بالخير متحضر شوي قال وين تمشي مشيت بطنك تدعس البنات وتروح امش واخذني لقسم الشرطه الخالديه

وقطني بتوقيف وقلت يارجال عندي اختبار يرحم ولديك قال انثبر ولا كلمه مابي اسمع منك نفس لما يداوم الظابط جاء الظابط الساعه 10 وانا روحي طلعت والله اني مقهور وعندي واحد تركي مسجون بتوقيف مسكين معه صور خليعه اول مره يدخل التوقيف في السعوديه ويبكي جبلي الغثا ويقولي وش يبو يسو لي قلت شايفني محقق انت وجهك المهم جيت عند الظابط سلام وعليكم السلام س كيف دعستهم قلت والله مادعستهم والله قال انا مالي فاضيلك لا اقوم ادعس في بطنك المهم خذاها وذقها انا والظابط لما جاء ابو البنات واخوهم قال هذا الداعس قلت والله ياعم موانا والله المهم جابو تقرير كسر في رجل البنت والثانيه رضوض متفرقه ومدة شفاهم شهر يعني انثبر في السجن لين يشفون وفوضة امر لله وقلت لشايب ابو البنات هذي جزاتي ياعم سترة بناتك وغطيتهم وشلتهم من على الزلفت قدام الناس هذي جزاتي الشايب حزة بخاطره قال للضابط خليني ناخذه ويشفوه بناتي قال صار واروح المستشفى مكلبش تقول ارهابي ودخلوني عليهم وخرفة البنات مليانه امه واخواتها واخوانها ماخلو احد الا جاء تقل عرس المهم قلت اعوذ بالله ليكون مات احد فيهم المهم دخلت ومعي الضابط وابوها قال هذا اللي دعسك وهي تطالع فيني تمقل قالت لا هذا اللي اسعفنا وابوها قال معليش ياولدي حق علينا وقام يتعذر والله غير تغدا عندنا ولزم علي على الغداء وختباري راح علي المهم اخذة خطاب من الشرطه للمعهد اني موقوف عندهم وبعدها

قلت توبه والله توبه اسوي فيها ابو الفزعات ياخوي الحكومه ماقصرت تجيب لك الاسعاف لحدك الا وانت ميت

معقوله ياناس طيب ربما انت ربي ارسلك لهم لكي تنقذهم او تتركهم في دمائهم حتى ياتي الاسعاف

اين الاصح

مدمي الصيد

ايه ماعاد فيه نخوه هالايام الله يرحم ايام زمان

زائر

والله مشكله ياساحر البسمه تسوي خير تلقا الردا وانشالله محشومين عن الراد

اشكرك على مرورك