هذه اصغر برنامج لاستعاده الملفات المحذوفه من الجهاز وسهل الاستخدام
شرح بسيط لاستخدامه:
* اختار الداريف اللي تبي تبحث فيه عن الملفات المفقوده
* حط في خانة الشرح اسم الملف كامل او جزء منه اذا تذكره .. و اذا تبي تبحث عن نوع ملفات محدده مثلا txt files .. حط ( txt. ) .. اما اذا تبي تبحث عن كل الملفات المفقوده اللي البرنامج قادر على استرجاعها خله فاضي ..
* بالنسبه لخيار .. Include used clusters by other files .. اذا اخترته بتحصل ملفات اكثر و لكن احتمالية استعادة هالملفات ضئيله .. يعني بالاول جرب بدون هالخيار و شوف اذا حصلت اللي تبحث عنه كان بها .. اما اذا ما حصلته جرب اختار هالخيار بالمحاوله اللي بعدها ..
* اما بالنسبه لخيار .. Include even if the file size is zero .. هذا فيه زعل شوي تقدر تقول.. يعني كأنك يا زيد ما غزيت .. بتحصل الملفات مجرد اسم يعني ما منها فائده .. بس اذا تبي تسترجع ذكريات أليمه او جميله زين تتذكر اسماء ملفاتك المحذوفه ..
* الحين ابدأ البحث على بركة الله .. Search Deleted Files ..
* بالنسبه للنتائج "الطيبه" ان شاء الله .. اي ملف تبي تسترجعه .. حط الماوس عليه و اضغط على restore by copying و حدد المكان اللي تبي تحفظ فيه الملف بعد استرجاعه .. يفضل تحفظه في مكان ثاني غير المكان اللي كان هو فيه بالاصل اقصد الدرايف بصفة عامه .. لانه اصلا حاليا محفوظ في السكتر الخاص بالدرايف .. ماله مجلد معين .. يعني لو مثلا هو بدرايف السي .. لما يطلب منك تحدد مكان ثاني حطه مثلا على درايف الدي او اي درايف ثاني عندك .. للضمان فقط..
* فيه في الاعلى بأقصى يسار البرنامج .. خيار others ... تحصل خيارين هنا:
- Scan All Clusters
هذا الخيار يبحث في كل الاماكن حتى المستخدمه منها حاليا ..
- Delete Completely
الحين البرنامج ممكن مسوي هاجس عند البعض !!
و لكن بهالخيار ممكن تحذف ملفاتك نهائيا .. الملفات اللي ما تبي لها استرجاع .. ( اللي فيها زعل )
التقنيه اللي يعتمد عليها هنا البرنامج انه يقوم يستبدل الداتا الخاصه بالملفات بأرقام عشوائيه و داتا وهميه و بعدين يقوم بحذفها .. و لو تم استرجاعها بأي برنامج متعنتر ثاني بتكون معطوبه .. مثل فكرة امر shred في اللينكس..
المهم طولت عليكم و البرنامج ما يحتاج اي شرح
رابط تحميل البرنامج:
http://www.omanis.co.uk/misc/REST2514.zipصورة البرنامج
[img]
[/img]
بالتوفيق
الرئيسية 
