قصة صـــــــــــــــــــــارت معي اقرؤهـــــــــــــــــــــا

زائر

السلام عليكم الجميع

هذي قصة صارت معي من جد اتكلم فيها ولا ابالغ بها في كلمه واحده شي حقيقي

شي دفعني به اللي الذهول..............

ابداء القصه

انا رجل احب الصيد يعني قناص واحب البر يعني هوايتي القنص والشعرويوم من الايام كان الوقت

شتاء برد يوم الاربعاء اتصل علي اخوي رمز الجراح قال يامدمي نبي نطلع البر قلت اوك خلاص متى

تجي قال انا بطلع قدامك وارسلك على الجهاز وارسلك الاحدثيات قلت توكل على الله ورح جهزت الجيب

وشلت العزبه وخذت اغرض القنص واتصل على الشباب قالو احنا مع اخوك رمز سبقناك قلت يالله بسم الله

توكلت على الله طلعت لحالي طبعا جيبي ربع 2004 جديد طلعت الساعه 8

المكان يبعد عن تبوك بحوالي 300 كيلو

المسافه 180 كيلو زفلت والباقي صحراء

المهم الساعه 10 وانا واصل نهايت الزفلت وقفت على جنب الطريق انسم كفرات الجيب على

شان الصرقعه امور ماتدرون فيها المهم كان الجوا بارد جدااا....

وركبت الجيب وقلت بسم الله توكلت على الله وانا مسرع امشي تقريبا 120 طبعا صحرا وفجاء

شفت ارنب قدامي قلت ياولد خلني اقلبها خلني ادعسها واجي عند العيال معي عشاي وصرت اطردها

والله ثم والله اول مره شوف ارنب بسرعتها هذي طرد ذيب وكمان غزلان وضباع عمري مامر عليا مثل

هذي الارنب اطالع في العداد الجيب ولا السرعه 90 تبعت الارنب وانا من الناس اللي اتهيض لا شفت

الصيد قدامي وصارت تزاوغ يسار يمن وانا معاها والله ومشغل موضي تغني على مرقدي اقوم وانوح

المهم بصراح عصبة وصرت مصر الا ادعساها راحت يمين وانا ابنط الجيب حطيتها تحت الكفارات

ولا الكفر بنشر وانا مسرع والله احس ان الجيب يبي يقلب ولطف من الله ثبت الجيب ونزلت وانا متأكد

مافيه رضمه قدامي المهم قلت وش القراده ذي وبرد موت وانزل العفريته ومفتاح العجل وارفع الجيب واحس

جسمي قشعر من الخلف والله ياجماعه عرفت اعوذ بالله ان اللي اطرده جن وانا فضل من الله الخوف

ميت بداخلي ماعرف شي اسمه خوف تعوذة من الشيطان الرجيم ونزلة الكفر متعلق بالجيب..

يوم وقفت ابي افك الكفر احس شي واقف وراي وصت نسم خفيف بصراحه قمت ارجف بس

مو خوف والله ياجماعه بس مدري وش شكله كيف يبي يفجئني كيف اشكالهم وقفت افكر

اضربه بمفتاح الكفر وقلت لو ضربته بيشلني والله ياجماعه اني قريت الكرسي ولا ذلف المعوذات

ولا ذلف قلت يامدمي العمر واحد والرب واحد ضبط كفرجيبك وشف تاليتها معه جلست

اضبط وافكر وشلون يبي يطلع لي والله والمسجل شغال موضي لايكسبه خير المهم شفت

زول قدامي شجره طلح ولا زول بنت معطتني قفاها والشعر تقل ذيل فرس اسود وناعم احس

انه يلصف عرفت ياولد جن مابها طب والله ولا دخلني الخوف بس رهبه من الشي

اللي اشوفه واناظر الساعه 11 ورمزح الجراح ماراسل على الجهاز المهم ظبط الكفر

ولا بلشت فيها ولا طالعتها وشلت اغراضي وركبت الجيب وقلت بسم الله ومشيت وطالعت بلمحة

عين ولا بياض وجهها يشع نور المهم انحش يامدمي ودعس في بطن الجيب والله صرت امشي

مشي تقل في رالي وشوي اشوف ارنب واطنش كني ماشفت وحس بقشعريره وانا بالجيب

تبي تطلع من ضهري ووجهي والله يناس ينمل تقل شي يمشي بوجهي تقل قطو خارعه كلب

يكرم السامعين تفيط المسجل اسمع صوت نسم وراي عليت المشكله بصراحه مافي شريط قران

اروض بها الجن اللي ملازمني والله يناس صرت مدري وين امشي تربطة يديني المجلان مالي اقدر اشغله

الجهاز مافيه ارسل ضعيف وصوت نسمها بهدلني تقل صوت فرخ الحمام وش الدبره وش الحل اقلب الجيب

والله فكرت اقلبه وخلني انصرع ولا يلعب فيني قلت لو قلبت الجيب ماتدري يمكن تطلع طيب وتجلس

تناضرها بلخلا اخر شي قررت اني اوقف ووقفت وريحه تقل مركب معي خروف ريحة غنم اشم بالجيب

وقلت سالتك بالله انك تنزلي وتكفيني بلاك قالت امش ولا صوت بنت قلت وين تبي تروحي قالت معك وقلت

من بقية اهلك قلت الله يعافيك انزلي تري اخوي رمز مطوع واخليه يقراء عليك ويحرقك قالت

مايقدر لاني نالبستك على شان يأذيني انا حبتك وابي اكون خويه معك قلت تكفين الله يعافيك

انا والله مالي خايف لامنك ولا من غيرك وقلت هذا اللي حبني فيك قالت مدمي امش ترا هذا الوادي كله

جن والله اطلع من هذا الوادي قلت انزلي على شان اطلع وخليك عند اهلك وربعك قالت امش يامدمي وشوي

رمز يراسل بجهاز وينك يامدمي قلت انا قريب قال سجل الاحداثيه عندك وسجلتها وفضل من الله

صار قريب عندي فيه 20 كيلووو بعيد عني ومشيت وهي باقي ودعست واشوف نور رمز والنار

ولاعه من بعيد وطوالي قلت ياخوفي يكون مقلب من الجنيه تهيألي انه رمز الجراح واخوياي

ودخلني الشكك عرفت انها قامت تلعب فيني وتوكلت على الله وقربت من قريب وقالت مدمي

وقف ووقفت وقالت مع السلامه والله وقلت لها الله يسلمك ونزلت روحت عند رمز الجراح وسلمت

عليه وشاف وجهي اصفر قال وش فيك قلت مافيني شي عاد هو مطوع وقال علمني يامدمي وجهك

يقول فيه شي وعلمته السالفه قال لاتخاف انا اخوك وانت مشالله عليك قوي ولا يهزك شي واخذ يقراء

علي وحصني بايات الله ونفث بالجيب مكان ماجلسة الجنيه فيه وتعشينا وسامرنا على النار

والجوا البارد الجميل فجاء وقت النوم ونمت والله ياجماعه وانا نايم قرصه بيدي واصحى وانام

ثاني مره ونفس الطريقه ونمت ولا بشعرها الناعم على وجهي احس فيه وتعوذ بالله وجلست لين

صحاااارمز والشباب واذن اخي وصليتنا الفجر وقلت له خلنا نغير المكان هذا حس اخوي اني مالي

مرتاح قال يالله يعيال شيلو العزبه وغيرنا المحل وارتاحت نفسي بعدها ونمت نوم عميق والله ياجماعه

من الساعه 8 الصباح اللين المغر ب وصحيت كني في حلم واللي صار لي امس احلام في احلام وتقهويت

وعينت من الله بخير وصار الوضع هادي بس صرت اشوفها تجي وانا نايم بس احس في احد يبوسني ويمشي
:

وهذي كل السالفه

وش الحل ياجماعه وجزاكم الله خير

:

مدمي الصيد

ماشاء الله عليك يامدمي الصيد الين قلبك قوى بالرغم من الاحداث اللي صارت
تسلملى على هذه القصه وربى يحفظك من كل شر

تحياتي

زائر

مدمي الصيد

اشكركـ على طرحكـ الرآآئع ..

يعطيك ربي الف عافيه يالغلاااا ..

وواضب على اذكااار الصباح والمساااء

ولاااا يفتر لسااانك عن الذكر

اسأل الله لك السلامة من كل شر ويشرح صدرك ويسر أمررررك

لاعدمنآآكـ ..

دمت --- بود

شمووووخ

زائر

اشكركم على مروووووووووركم وسماعكم القصه

والحافض رب العالمين

ولي يفكر ان مافي جن يضهر للناس لا اقله فيه بس الانسان لازم يكون ايمانه بالله قوي قبل كل شي