لـــــ بكيفي ــــــو قــلـبـي ماحــــــ يدخله ــــــد

زائر

قول عادي .. بالي الليلهـ طويل ..
............ شُوف لِك عذرٍ قديمٍ / وأقبِلَهـ !!

لا تحاتي ...قلبي مِتعَوِّد يشيل ..
............. ( الجُروح ) اللي تجي له مُقبِلَهـ ..

" طيبتي " صارت مثل ( كف البخيل )
............ أيِّ شَي طايح .. تِشُوفـه ؟ تحمِلَهـ

و " عزِّتي " تقدر تِسَمِّيها : النخيل
............ لأني شامِخ .. والعواصف قاتِلَهـ

وعادي جداً .. إنِّي الليله ( عليل ) ..
............ الحزن : يحْسِبني واحد مِنْ هَلَهـ !!

ومو غريبه .. لو تِمَنِّيت الرحيل
............. البقاء أحيان , يعني .. البهذلَهـ !!

في غيابك .. ما لَهَا الضيقهـ مثيل ..!
............. وربِّي اللِّي .. ما يشاءهـ , يفعلَهـ

مِنْ يلاقي لـ دنيتي هذي بديل ..؟
.............. خل يجيني أي شخص .. أبَدِّلَهــ

وعيب راسي لا بغى شي " مستحيل "
.............. يوصلهـ مو طيب .. غصبٍ يوصلَهـ

ليه راجع ؟!ليه ذاكر ..؟يـ الأصيل ..؟؟
................ إنت ضايق .. ؟!في خطأ بالمسألَهـ !!

وليه تبكي مِنْ كلامي يـ الدخيل ..؟
............... المشاعر .. ما لَهَا بقلبك صِلَهـ ؟!

و( البلا ) .. إن حَبْ شخص " ثقيل "
.............. ينسى مِن حُوله ويفكر ( بالمُذهلَه ) !!

مِن عرفتك .. ما بقى بـ اليَد .. حيل
.............. ولو بكيفي .؟ ( قلبي ) محدٍ يدخلَهـ

ومِن عرفتِك .. حظِّي العاثر يميل ..
.............. أعترف لِكْ إنِّي ( عاجز ) أعدِلَهـ !!

فاقد الإحساس / ما يعطي القليل
............... وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
............... مشكلهـ " قربك " .. وبُعدِك مشكلَهـ ..

وإن خذاني المُوت إترك قالٍ وقيل ..
.............. قول هـ الجُملهـ .. وخطاك امحلِّلَهـ [

ربِّي ألهَم أهلهـ الصَبر الجَميل ..
............... وإرحمـهـ يا رب وإحسِن مدخلَهـ ].!

زائر

شكرا على مشاركتك

زائر

يعطيك العافيه

زائر

يسلمووووووووووووويامهاجر

وصح لسانك

في غيابك .. ما لَهَا الضيقهـ مثيل ..!
............. وربِّي اللِّي .. ما يشاءهـ , يفعلَهـ

مِنْ يلاقي لـ دنيتي هذي بديل ..؟
.............. خل يجيني أي شخص .. أبَدِّلَهــ

انت وصفت الضيقه في غيابه يعني تعاني في حبها

وبعدين قلت بشطر الثاني من يجي غيره بديل يعني وصفت انك ماتحب مجرد

تبي حب يشغل قلبك عن اللي راح

يعني تبي شي يسليك

اسف على ملاحظتي تقبل مروري

زائر

ماشالله عليك اخوي مدمي الصيد
الله يحفظك لشبابك

يعطيك العافيه يا مهاجر وعساك على القوة